7.31.2013

[Makeup] 豆雞妹分享 3CE 的出色PIGMENT (片段可能令人不安, 冇心理準備勿進)


[Makeup] 豆雞妹分享 3CE 的出色PIGMENT

(片段可能令人不安, 冇心理準備勿進)



前序: 原本呢個只係一個簡單嘅 LIP PIGMENT 分享POST, 但由於之前收到較多DISLIKE comment regarding the video, 所以我有必要先作出一個前序, 說明 『片段內容: 鏡頭又黑又白, 會轉到頭都暈, 而且我豆雞又鼻大, 個樣仲好核突, 孕婦及膽小者勿看』! 之前的確有考慮過將片段delete, 不過我又的確用了超過10小時製作, 無論段片令你幾不安都好, 我有幾豆雞都好, 呢個都確確實實係我blog中的一部份, 我要面對同接受, delete 只係逃避。btw, 豆雞同鼻大真係我icon, 每一個親戚朋友都知, 真係改唔到, 但下次我會盡cut 呢d shot! 點都好啦, 總之你冇心理準備就唔好去睇條片, 我唔想又俾人話我整到佢嘔~



3CE 講到你悶未?

個個都講, 日日都講, 一SEARCH 有幾百個POST 都係3CE, 連 "膠小姐" 都用3CE 黎做題, 你就知佢有幾 HIT~!

不過, 其實佢HIT 黎 HIT 去都仲係係 BLOG 界中, 即使我身邊朋友都係睇完我條片, 先知有呢個BRAND, 咁, 其實佢又係咪真係咁 HIT, 定係 BLOG 界刻意谷紅佢呢?

.
少少 非官方information: 我之前係 Seoul 6日, 我前前後後都問左好多廿幾歲的年青人, 有男有女, 都只係得一個韓國男仔識 Stylenada, 但唔識 3CE。 你有機會, 可以去明洞同泓大鋪等幾個鐘, 你會觀察到 3CE 90% 的客人都係中國人同香港人。我自己真係唔認同 3CE 係韓國當地人最愛的化妝品牌。

.
點都好, 我當然唔輸蝕, 去到 2間分店都有幫襯, 我只係選擇左 5支 比較獨特的 LIP PIGMENT 同 湖水綠同桃紅色 EYE LINERS。

.




.

LIP PIGMENT 受歡迎, 其實因佢好玩, 好適合怕悶的香港人, 只要你買2支唔同顏色, 你可以變到好多唔同顏色, 我買左 5支, 可以溝飽佢, 不過最後我發現, 我最常用的, 都係 # ELECTRO PINK, 我地叫嘅桃紅色, 然後加少少白, 或者加少少橙, 想 OUTSTANDING 定 NATURE 都係自己決定啦!
.

我印象中, 係韓國買大慨係 HKD 82, 買5支都係 $400, 平時一支 BOBBI BROWN 都 $2XX, 所以係冇考慮嘅餘地!只係擔心有D 顏色會 SOLD OUT。

.


.
佢可以做到顏料咁, 真係會溝到想要的色, 而唔會變成 "污糟" 色, 呢個係佢嘅特點。
 
不過對於我黎講, "溝" 色呢個動作就比較煩, 對比可以直接搽上咀, 就慢左少少!
.
 

.
 
就算個LIP PIGMENT 幾出色, 如果真係要色準, 就先要減淡原本唇色, 用粉底印上咀仔, 然後先再上唇膏, 咩色都會出好多 (包括其他牌子)!
.
問過男士, 其實唔太喜歡韓式咀, 話顏色太勁, 感覺反而冇LIP GLOSS 咁受男仔歡迎, 不過要 "潮" 點都要學下 韓式咀。
.
最經典就係漸變咀, 無論什麼咬唇, 可愛定K-POP, 都係由漸變而成。
.
記住 2個CONCEPT就得喇:
 
(1) 想自然就用咀仔中間深色, 外邊係淺色, 或者直接用粉底都得。 想誇張, 就用2個勁色, 撞埋一齊, 加 D 誇張飾物, TOTAL LOOK 好易出。
 
(2) 韓咀千奇唔好畫唇線, 咩都可以用手指印開, 就可以做到好自然的感覺, 好適合我呢D懶人, 化化地, 就最靚。
 
 

 
.
片中, 我就示範左 3個 色:
 
(1) 最易襯, 桃紅漸變白,
(2) 最誇張, 淺橙漸變桃紅
(3) 最正常, 桃紅溝皮膚杏
.
 

 
.
片尾就用左大家最愛湖水綠 waterproof eye liner - # mojoto, 印象中都係 HKD$82,
同 lip pigment 一樣價錢!
 
.
 
豆雞 Twinkle C 的真心最後感覺:
 
LIP Pigment:
 
色真係好出, 出到我老公有D怕, 玩下就真係冇所謂, 日日咁嘅色就未接受到住。而且感覺偏乾, 我會係搽可唇膏前15分鐘, 先用自己潤唇膏打底, 唔係就會出哂唇紋, 好似條片尾段咁。
.
當搽完之後, 等15分鐘, 就算用紙巾印走面個一層色, 底色都會仲係度, 顏色持久度強勁!
.
但更真心的是, 我會好擔心佢好蝕唇色, 請大家都留意一下, 韓國唇部產品, 其實都有呢個問題, 經常使用的話, 大家要好好做好落妝步驟。
 
EYELINER:
 
EYELINER 就真係要讚, 佢嘅顏色, 真係獨一無異, 我係韓國搵左好多SIMILAR 的湖水綠, 但係都係 3CE的最 SHARP 最靚, 其他牌子都未做到相同的顏色效果。
 
佢真係好強WATERPROOF, 由08:00 到22:00 都可以冇溶過, 色都冇變仲係好似剛剛畫上去咁!
 
而且佢順滑度一流, ETUDE HOUSE 亦比下去, CLIO 同樣順滑, 但暫時CLIO 未有呢隻 #MOJOTO。
 
總括係, 3CE 的產品質素的確有中上水準, 對比香港大牌, 又的確可以有過之而無不及,  而家價格係香港實屬 "好平", 所以難怪香港女仔一試都會愛上。
.
 
但至於, 佢係咪 韓國最受歡迎的化妝品呢? 大家自行判斷吧!
 
 
 


‧其他文章‧
 
‧Youtube‧
.
 

    
.
**********************    Twinkle C  information   ************************


     Blogspot   |   Yahoo! Blog   |   The ztyle     |   Beauty Life   | 

     She. com   |   Beauty exchange

 
     E-mail: leesiuj@gmail.com
     Thank you for visiting, Twinkle C x Siu J. Full Time Beauty Blogger.
     以上產品及資料, 部份由商家提供, 使用心得為個人意見的分享, 最終效果因人而異。


 
 

7.30.2013

[Event] 第一次幫 Rosemary & 吳嘉龍 AW OUTFIT - Replay x 仲量聯行Fashionista Challenge


[Event]

第一次幫 Rosemary & 吳嘉龍 搭配 AW OUTFIT - Replay x  仲量聯行 「Fashionista Challenge」



收到突如其來的邀請, 而且由 『仲量聯行』舉辦, 細心一看, 原來是 『仲量聯行』與『Replay』聯合舉辦了一個 「Fashionista Challenge」

於仔細閱讀內容之前, 我已經回覆確定出席了!


.



.
當日我活動於 - 銅鑼灣時代廣場622號舖 REPLAY中舉行, 為了隆重其事,
REPLAY 竟然封鋪舉行是次活動,
活動其間我們可以自由於店內活動及拍照~ 感覺好興奮!



.
這次活動中, REPLAY 展示了最新的 AW 2013系列, 包括皮褸及皮BOOTS 都一一展出,
當大家仍然穿著BIKINI 拖鞋時,
 REPLAY 已經為大定準備了一系列的 『爛牛』及好『皮器』!
.
RAW 味十足的REPLAY 牛仔, 亦係我至愛之一, 無需刻意配搭, 隨意已經做到一身『型味』!
.


 
荼點於活動當中, 當然是不可或缺的部份!
 
而今次, 大會更安排了有機的新鮮茶點, 我最愛的是新鮮忌子汁, 一點點酸, 有醒胃的作用!
 
而且忌子補眼, 我飲了兩杯呢!
.
 

 
80年代, 爛牛的感覺是不羈, 今日爛牛中的洗水, 顏色等, 都變成了天橋上的展品
.
REPLAY 的每一角, 都不經意地展示著產品, 活動當日, 我們就需要於這些不顯眼的位置, 將心水物品找出, 然後幫名模搭配一番!
 
令我印象深刻的, 是皮帶, 有厚度的皮帶, 手感好實在, 用上3,5,7年, 皮紋更會有著自己的痕跡!
.
 

.
「Fashionista Challenge」
 
大會安排了每位參與者, 以 REPLAY 最新服飾 AW 2013 為 Rosemary & 吳嘉龍設計造型, 然後由專業攝影師拍下造型照, 並於活動後上載至仲量聯行的 Facebook, 得到最多「LIKE」 就成為優勝者, 可以贏取價值 $4000 的REPLAY 禮劵
 
我負責的, 是Rosemary, 超級高挑的身型, 我從皮褸入手, 被我看中了的, 是藍黑色的賽車款~
 
如果配上一架電單車, 感覺便完美了!
.
 

 
活動中, 大家都忙著挑選心水服飾~
 
有幫MODEL 看的, 當然也有私心, 自己慢慢欣賞, 這些服飾都是未公開發售的,
有一種先睹為快的感覺!突然好想將家中的皮褸找出來呢!
.
活動完結之時, REPLAY 更為每為出席者送上紀念品~
.
想查看當日的造型照, 可以到仲量聯行的FACEBOOK 找到呢!
 

.
跟仲量聯行的同事傾談了一陣子,
原來 Jones Lang LaSalle Hong Kong 除了著名的物業業務外, 近年都常常舉辦多類型活動,
而且都會找來 LUXURY 的品牌合作,
 
如果你自問都是 LIVING STYLE 的朋友, 又不想錯過下次的型格活動,
我會建議你『緊貼 』Jones Lang LaSalle Hong Kong 的
 
下次活動中, 可能會與你相遇呢~!
 


 
‧Youtube‧
.
 

     **********************    Twinkle C  information   ************************
     FACEBOOK:  Twinkle C x Siu J - We sit on the Pole
     Blogspot   |   Yahoo! Blog   |   The ztyle     |   Beauty Life   | 
     She. com   |   Beauty exchange
 
     E-mail: leesiuj@gmail.com
     Thank you for visiting, Twinkle C x Siu J. Full Time Beauty Blogger.
     以上產品及資料, 部份由商家提供, 使用心得為個人意見的分享, 最終效果因人而異。


 
 

7.29.2013

[Life] Seoul 3G 上網咭 7仔有得買喇!

[Life]  Seoul 3G 上網咭 7仔有得買喇!



之前去日本, 就有好多POCKET WIFI 選擇, 但係去Seoul 呢, 似乎就仲未有呢類服務~



不過, 我去到 Seoul 呢, 其實好多餐廳都有提供免費wifi, 好似我呢d一日6-7餐嘅, 其實都好方便呀!而家酒店都有提供wifi, 所有野都可以照update~


我連回程check in 都係係泓大都用free wifi check in ~ 所以其實冇得上網都唔洗好擔心~


最穩陣就係去d coffee shop , 90% 都有free wifi, 如果你去個間冇, 咁你都係好黑仔下... ... 我會建議你去另外一間, 因為佢地好多好多coffee shop, 要搵另一間應該唔難!





不過, 如果你係大忙人, 公司d人要你離開香港都要朝 9晚 5 on call, 咁始終有張跟身上網咕係會安心d, 最近, 就俾我發現 『中國移動』積極發展『旅行上網』呢類service ~

佢地最大好處係, 儲值咭形式, 有咩事最多都係冇哂張咭嘅 value, 唔洗擔驚受怕會收多錢, 而且又唔洗去租機, 又唔會要帶多一舊野係身咁麻煩~

今次『中國移動』推出左『Seoul 3G 上網咭』, HKD299 可以用7日上網, 仲可以網上購買!

不過詳情就要大家自行SEARCH 一下喇~

.


提外話, 我係好唔喜歡返大陸, 但最近要同老公一齊上大陸處理公事, 因此我都買左一張『中國移動』一咭兩號黎上網用, 佢而家有個PLAN, 每日係中國無限上網, 最高收費為 $48 ONLY, 但要留要, 上網速度係 2G, 唔夠睇片, 但係我上FACEBOOK, WHATS APP 都冇問題, 叫做好過冇!

雖然我住個間酒店有WIFI, 不過中 *I* 國 WIFI 就會BL *O* CK 哂 80%嘅野, 上唔到FACEBOOK 啦, 去唔到 HK YAHOO, 總之好多WEB SITE 都去唔到, 基本上所有 IPHONE APP 都用唔到, 所以我係酒店都係用返自己張『中國移動』黎上網~




‧其他文章‧
 
‧Youtube‧
.
 

     **********************    Twinkle C  information   ************************

     Blogspot   |   Yahoo! Blog   |   The ztyle     |   Beauty Life   | 
     She. com   |   Beauty exchange
 
     E-mail: leesiuj@gmail.com
     Thank you for visiting, Twinkle C x Siu J. Full Time Beauty Blogger.
     以上產品及資料, 部份由商家提供, 使用心得為個人意見的分享, 最終效果因人而異。


 
 

7.23.2013

[SLIM] 近期我的最愛 Bio-essence Face Lifting Cream 青春緊膚霜 (ATP 配方) - VIDEO

.
[SLIM] 近期我的最愛 Bio-essence Face Lifting Cream
青春緊膚霜 (ATP 配方)
.


世上沒有神奇的東西, 唔會有一種神仙水一揸即變 v 面, 但只要你有恆心,
能夠每抽出 10分鐘出來按摩, 小臉效果指日可待!
.
.
瘦面cream 市面上有好多, Bio-essence Face Lifting Cream 成為我最愛, 因為佢除了緊膚
還可以護膚, 使用者除了我, 還有我老公!
 
.
 
.







青春緊膚霜 (ATP 配方) 除了能夠 『提升輪廓』, 同時可以有以下功效,
只要你連續幾晚進行按摩, 你真係會見到皮膚的改善!

.

- 消除雙下巴,改善水腫 (配合按摩手法)
- 淡化法令紋
- 深層滋養潤澤肌膚
- 淡化細紋與皺紋
- 肌膚更有彈性
- 改善鬆弛肌膚
- 收細毛孔,肌膚柔滑細緻
.

.
.
其實按摩辦法好簡單,但係進行按摩前,
我會先用 "深層去角質青春素含蜂王漿及ATP" 摔一摔塊面, 用一分鐘時間, 先去角質層,
令之後的按摩更吸收!
.
方法: 手乾面乾, 使用 5毫子份量, 於面上輕輕打圈按摩, 約30秒面上會出現擦子膠碎的物體,
然後過水, 面上皮膚會即時變得有光澤!
.
好多人都知道成日磨紗其實對皮膚係唔好嘅, 但係用呢支就可以唔洗擔心, 因為他的溫和配方是可以每天使用的!
.


.
去完角質, 而家再做按摩就會最吸收, 準備好喇!

按摩方法:

(1) 首先當然係面上分別搽上5大點,然後輕力推開!
(2) 然後就係V的位置加力按壓,動作要加點力度,方向記緊要單方向向上!
(3) 到耳門位置可以停幾秒,加力再按壓!

.
.
最新升級版的青春緊膚霜,加入了 ROYAL JELLY(蜂王漿)及Adenosine Tri-phosphate (ATP),能夠幫助大家抗哀老,促使機體各種細胞的修復和再生,令皮膚細胞更新!

從而改善肌膚微循環,有效提升肌膚的更新與修護能力,延緩肌膚老化,讓肌膚恢復柔滑光澤!
.


.
按摩方法:

(4) 完成耳門的部份,便要將 "垃圾" 由耳門拉下到頸的位置
(5) 如果Face Lifting Cream 已經完全吸收,此時便要再補一點了!

(6) 最後便要打開掌心,加少少力度按壓3秒,幫忙吸收一下!
(7) 只要靜待 10分鐘.. ...
.
.

按摩方法:

(8) 10分鐘後 Face Lifting Cream 應該已經完全吸收了
(9) 只需用紙巾將少量油份印下,便可安心訓覺了!


Bio-essence 將BME 生物礦物酸精華、BEF 生物能量晶液、生物米谷發酵精華,人參、蘆薈、洋甘菊、當歸等純天然原料,結合最新的ATP & 蜂王漿,搽上面時會有少許冷涼感覺,正常情況下5分鐘後便會適應了!

.
Bio-essence Face Lifting Cream (售價: HK$ 229)

使用後毛孔收緊了,咀部附近的細紋亦有減淡,配合按摩後面色都有少許改善,我亦大膽地用在我老公的面上,他不太習慣冰冷的刺刺感覺,但一會就適應了,之後更愛上使用 (因為方便)!每一盒的包裝盒內提供了軟尺,供量度人中至耳珠面頰闊度,然後親證10分鐘後的變化,我親身量度過的確瘦少0.2mm,數字雖然不多,但若持之而恆,V 面真係無難度呢!

.
.
Bio-essence  :  新加坡公司L.D. Waxson創始於1986年,公司創辦人是董事長杜南發博士,
現為新加坡著名美容及個人護理產品製造及分銷商。Bio-essence是公司著名旗下品牌之一。
當中的Bio-essence青春緊膚霜自2004年為新加坡面霜銷售第一。公司業務遍佈新加坡、馬來西亞、泰國、香港、台灣及中國。以「勇於突破創新是我們成功的基石」為宗旨。Bio-essence致力於利用生物科技進行產品的研究、開發,推出具有獨特及特效的美容護膚產品,以滿足各地不同消費者的需求,讓顧客呈現亮麗年輕!

Bio-essence是講求誠信的公司,承諾「創意、超值、誠信」,我們對Bio-essence充滿信心,因為Bio-essence能給顧客帶來無限量的附加值!


於各大萬寧、屈臣氏及VivoPlus 有售。
查詢熱線:(+852) 2887 9884
Facebook: https://www.facebook.com/BioessenceHongKong


 
‧其他文章‧
 
.
 

     **********************    Twinkle C  information   ************************


     Blogspot   |   Yahoo! Blog   |   The ztyle     |   Beauty Life   | 
     She. com   |   Beauty exchange
     E-mail: leesiuj@gmail.com
     Thank you for visiting, Twinkle C x Siu J. Full Time Beauty Blogger.
     以上產品及資料, 部份由商家提供, 使用心得為個人意見的分享, 最終效果因人而異。


 
 

7.22.2013

[Life] 儲齊印花之送你一隻眼


* [Life] 儲齊印花之送你一隻眼 *


其實我已經好久無踏足深圳,肯定耐過 BKk!

今次再次踏足,感覺好新鮮,當中亦令我明了一些事情。




 

.
 之前聽朋友說,而家好多後生女會三五成群,走上大陸整容同打針,我腦海中一直估計係要去黑暗後巷躲著進行的情況,仲要係識人搭路先搵到嘅地方。而且據說,有關收費極平,二人同行更會有優惠 ... ...
.

... 直到今次北上,我先如夢初醒!原來深圳的「皮膚診所」「整容醫院」「美容治療所」已經開到「梗有一間係左梗」嘅地步,過關後走到地面已經見到好大間係面前!春風路一帶情況更甚!相信其市場佔據率絕對多過 7仔同 足療。
.

 根據傳說,1000人仔雙眼皮(送開眼頭), 1xxx 人仔整高個鼻(有壞包換),仲有打埋去疤針嘅情況下,難怪係深圳街頭會有10個8個冰冰,佢可能姓李,姓范,姓張,姓黃,姓陳… …
.

再加上淘寶嘅強勁時裝潮流,每個年輕女子都係貼身包臀超短氣質裙,加歐美外貿單正品 5吋粗根鞋,配上韓國糖果色人氣大號手拿包 ... ...(超讚女神大眼仔, 3層自然台灣眼睫毛, 性感隱形文胸 (加厚版) ... ... 下刪 100字)
 
.
活生生的大公仔係深圳路上不停穿梭,別說男性會眼睛疲累, 連我都看得睜開了眼睛!
.
當千萬人笑說韓國的人工選美時,其實我地應該要好好記住身邊人的樣子,因為,下個星期或者下個月,身邊人可能會變成另一個冰冰,或者另一個 Baby。
.

我地同人工智能嘅複製人時代不遠矣,你揀好你個鼻未?
.

.
而家推廣期買鼻送個咀,儲齊10個印花可以換一隻眼! 補多 $388 就可以整埋另一隻眼,仲平過套餐呀!
.
 




‧其他文章‧
 
‧Youtube‧
.
 

     **********************    Twinkle C  information   ************************

     Blogspot   |   Yahoo! Blog   |   The ztyle     |   Beauty Life   | 
     She. com   |   Beauty exchange
     E-mail: leesiuj@gmail.com
     Thank you for visiting, Twinkle C x Siu J. Full Time Beauty Blogger.
     以上產品及資料, 部份由商家提供, 使用心得為個人意見的分享, 最終效果因人而異。


 
 

7.17.2013

[飲飲食食] 三坡坊的出色海鮮 - 佳得廚藝

[飲飲食食] 三坡坊的出色海鮮 - 佳得廚藝
.


有睇開我的BLOG, 都知道其實我不愛 FINE DINNING, 最多生日或者特別節日去下就好喇,
平時係屋企開支酒都係幾百, 去到油酒店開支一模一樣嘅酒就要貴 3, 4 倍, 冇千二, 三蚊唔得,
所以我都係少去少去。
.
今次我同老公又發現左一間新嘅中菜小廚, 小廚同大牌檔有咩分別呢?
.
小廚好明顯就係環境乾淨D, 企理D, 當晚我就係著住 4吋高 high heel 入去食都冇問題~
.

.
因為新開, 所以連餐牌都好乾淨, 我可以好放心拎住黎睇, 平時只會用 2隻手指 "的"住睇~~
本來食中菜, 餐牌冇特別野好講, 但竟然俾我見到佢有個 『微波爐雞翼』
『Pizza 煎烏冬』, 仲有個 『野味豬心煲』, 咁特別, 真係不得不提啦!
.
 

.
平時食龍蝦, 多數都係配 "E健" 底, 不過佢地竟然係配烏冬, 而且出黎效果相當好, 又滑又爽,
相信佢用左靚烏冬先可以做到呢個效果, 原來上湯烏冬配龍蝦, 鳥冬先係真正主角 ~ ~
當晚D龍蝦雖然望落去唔係好大隻, 但係就好多肉, 而且D肉質好好, 好有彈性, 結果當然成碟掃哂!
.
 

.
呢個蝦, 大家去個時, 我都極力推介, 配白飯一流, 我成隻蝦連殼都食埋, 你就知有幾正!
海鮮只要新鮮, 肉質好, 其實已經贏左一半, 佢仲要炸到個蝦殼脆哂, 但蝦又唔乾身,
有機會大家都要試下!仲要連殼食!
.

.
呢個魚係連我DADDY都一讚, 因為食魚, 除左魚必須要新鮮, 仲要講究劏魚技巧,
最重要係火爐同時間嘅掌握, 而我屋企仲會睇一樣野, 就係 "讚"油個一下,
D油夠唔夠滾, 同鼓油嘅分量配合, 少少野出事, 都會影響成條魚,
不過連我老豆都一讚, 就冇野批評喇!

.
.
呢個好似叫京都排骨, 今次真係每一舊都有軟骨, 軟骨先係我最留意嘅地方, 唔係成日有架!
.

.
老闆推介炸乳鴿, 我地就叫左一碟,
原來佢可以炸到佢外脆, 但保持肉質JUICY, 每咬一啖, 
D 乳鴿都會有肉汁流出黎, 唔會乾爭爭咁!
.
 

.
估唔到我細妹反而對呢個牛仔骨最有好感, 佢話因為平時牛仔骨都會好大舊, 成到成口都係,
但呢一個就切到剛剛好, 女仔食都唔會好辛苦, 所以佢就係咁食呢個牛仔骨!
.
 

.
呢個都係老闆推介, 荷葉蟹飯, 真係有好香荷葉味, 堅係用荷葉包住隻蟹由生整熟,
隻蟹仲好大隻下, 平時食荷葉飯通常都係好濕, D飯一舊舊, 但呢個就相反,
D飯仲係一粒粒分明, 所以我都食左一碗, 我覺得蟹味反而唔夠荷葉出,
.
以為會係好濃味, 但原來係以荷葉嘅幽香為主, 屬於清啖嘅味道,
女士可以會比較喜歡~
 
呢個荷葉蟹飯係新鮮整, 所以製作需時,
我建議大家坐低就要叫定, 咁就唔洗等咁耐喇!
.
 
其實大家知唔知三坡坊係邊呢?
.
佢係眾安街轉入去就係, 下次去開荃灣, 諗唔到食咩就行入去睇下啦! 我見到附近有好多食野, 而今次我就揀左新開嘅 - 佳得廚藝, 總評係我會再同朋友去食~ NICE!

 
地址: 荃灣三坡坊30號地下
電話: 2439 0668 (唔太多位, 唔想等就訂位穩陣!)
.
 

‧其他文章‧
 
‧Youtube‧
 

     **********************    Twinkle C  information   ************************


     Blogspot   |   Yahoo! Blog   |   The ztyle     |   Beauty Life   | 

     She. com   |   Beauty exchange

 
     E-mail: leesiuj@gmail.com
     Thank you for visiting, Twinkle C x Siu J. Full Time Beauty Blogger.
     以上產品及資料, 部份由商家提供, 使用心得為個人意見的分享, 最終效果因人而異。


 
 

7.16.2013

[EVENT] 30+ 漸進式美麗 Sculptra PLLA 聚左乳酸療程

.
[EVENT]
30+ 漸進美麗 Sculptra PLLA 聚左乳酸療程

.
.


.

人生踏入30, 其實中年都未及, 可惜, 女人總會介意隨著年月流逝的改變。
.
.
我剛剛 28, 當好多人都話我仲好後生之際,
.
我老公就送左一句俾我: 老婆, 最近好似老左好多... ...
.
上星期 imore 的活動中, 我認識了一項新的美容技術, 可以慢慢的將青春帶回來。

.
Sculptra 塑然雅 PLLA 聚左乳酸療程
.


.
活動由 imore x 詩琳合辦的,
.
一開始大會司儀便播出多位女士的照片, 當中包括舊照及新照,
.
然後由現場的美容達人去評鑑她們的容貌, 歲數,
.
從前的女仔年紀比較易分辨, 但近代的化妝技巧及醫學美容,
.
其實已經令真實年齡好難掌握了。
.
 

.
原來,
.
最易出賣我地嘅, 係眼部及面部輪廓的改變, 即使化妝同打扮, 有時都難以掩飾。
.
不過,
.
最近新出的 Sculptra PLLA 聚左乳酸療程能夠慢慢挽回自己的骨膠原,
.
逆轉歲月, 今日, 你同我都可以做得到!
.
 

.
說到底, 女人都要美, 都希望留住歲月, 捉緊年華,
.
以往我地都只怕變了塑膠臉、木無表情的公仔。 
.
但Sculptra - PLLA 聚左乳酸可以促進自己的骨膠原再生, 效果來得自然,
.
加上美國食物及藥物管理局 (FDA) 認證其美容效果超過兩年, 大家都應該要開始認識一下了。
.


.
.
Sculptra®塑然雅®注射療程平均只需三節注射, 在短短數月內完成, 有效激發骨膠原再生,
.
能修復面部組織結構, 撫平皺紋、改善凹陷的太陽穴與面頰,
.
重塑青春緊緻的容顏。
.

.
Sculptra®塑然雅®是新一代的注射針劑, 能激發面部深層骨膠原再生, 效果自然漸進,
.
但顯注而持久, 可以重塑我們追求的青春緊緻的效果。
.
從此硬膠面, say goodbye!
.
 

.
活動中, 安排了專家解釋 "老化" 的真正原因, 與及一般的治療方法。
 
.
大家都好留心聽書, 始終女人最怕的話題莫過於 "老"。
.
 

.
每一個人老化的主因位置都不同,
.
Sculptra®塑然雅®能針對骨膠原流失這容顏老化的根源, 將產品注射入皮層深層後分解,
.
激發體內骨膠原再生, 修復面部組織結構,
.
暗暗地撫平皺紋、漸漸地改善凹陷的太陽穴與面頰!
.
帶給大家持續兩年的自然青春美。
.
.
 
Sculptra®塑然雅®可以改善的部位:
.      
~        顴骨、面頰 (蘋果肌)
~        口角紋 (木偶紋)
~        太陽穴 (夫妻宮)
~        虎紋 (法令紋)
~        下巴紋
~        下顎       
~        腮線
.
 

.
.
時裝網站 ZEUZ 時尚總監兼城中名媛陳君宜 (Qinnie) 於一年前就試了
.
 Sculptra 塑然雅 PLLA 聚左乳酸療程, 當日還現身說法, 各大家分享 Sculptra 的心得!
.
難怪她當日可以神采飛揚!身與心都保持於 30的狀態!
.
 
.
大家係咪心動想去試下? 連我身邊的朋友都不停問我有關資料!
.
所以, 我都決定會送給自己這份禮物了, 到我打了療程, 必定會再同大家分享!
.
 

.
.
Sanofi HK 為 Sculptra® 塑然雅® 之香港澳門獨家代理。
.
故此,唯 Sanofi HK 提供之 Sculptra® 塑然雅® ,方擁「正廠正貨」品質保證,
.
確保由生產以至處理,均受嚴格監控,臻達指定程序與安全規格;優質、高效,備受肯定!
.
.
活動中的紀念品亦非常吸引, thank you imore & 詩琳!
.
.
 
 
.
.

.
其他文章:
 
Youtube:
  


**************************** Twinkle C information ****************************
     Blogspot   |   Yahoo! Blog   |   The ztyle     |   Beauty Life   |
     She. com   |   Beauty exchange
 
     E-mail: leesiuj@gmail.com
    Thank you for visiting, Twinkle C x Siu J. Full Time Beauty Blogger.


 
 

THE 10 HOT BLOG POST: