1.24.2013

Viscontour® Serum - Hyaluronic acid 肌膚急救水

Viscontour® Serum - Hyaluronic acid
 

無菌特純透明質酸保濕液 - 肌膚急救水(玻尿酸保濕精華素) - 德國製造,原裝進口!


高度補水同時平衡肌膚的酸鹼值,可以解決皮膚因為太乾而出現的泛油同拉緊情況。

佢嘅配方不含油脂, 香料和防腐劑, 特別適合曬太陽後或者醫學美容療程後作深入補水及修復受損細胞。



 
每一支都有滅菌包裝,用一支開一支,用個時會更衛生,減低皮膚感染機會。

每一支獨立包裝,就算去旅行都可以帶定 2支係身,即使曬乾左皮膚(包括眼部、唇部)都可以用佢『急救』。

貨裝一盒有20支,一支1ml,共20ml ($1280)!






高玻尿酸的成份,令急救水質地較重身,有少許黏性,圖中見到佢帶張力,不是稀身水狀。




剛好我試用前一晚通完頂,皮膚乾到繃繃緊,膚色較暗啞 (黑眼圈當然唔少得!)
應該係試用急救水嘅好時機!


第一道試用,我用手指將急救水輕按於面上,由於急救水都較重身,
我輕推左差不多1分鐘先吸收哂。你會感覺到急救水係俾皮膚吸哂,而唔係乾哂!

 
係第1道用手輕按急救水後,皮膚已經好明顯比使用前飽滿,
每一個毛孔都有返彈性!
 
由於有返光澤,感覺膚色有少許去黃,可能因為補左水冇之前咁暗啞!




第2道使用,我將餘下的0.5ml 用導入機導入,係超級推介!
由於佢係高成份玻尿酸,佢質地好適合用機推 (唔好計價錢!)
我用機係全面導入,用左差不多3分鐘先將0.5ml推哂,質地順滑厚身,推機一流!



用機導入後,整塊面都有refesh 效果,你會感覺到真係吸收哂d水份,
唔係只係表面,之前塊面拉緊嘅感覺冇哂,仲推走哂暗啞,
如果打完laser 用急救水搽面係最適合不過,
點解d人叫佢急救水,我而家都明,
下次我去party前或者通頂後要見人,我都會用佢黎急救!
 
*順帶一提,除左補水,大家要記住鎖水,用完補水產品記得要搽返保濕cream,
咁樣就可以keep住d水係塊面度,唔會流失喇!

 
 
if you want to know more:
 
Thanks!

1.21.2013

繡左小J個名喇


之前我係ZTYLE 個度見到呢本野, 話可以繡埋自己個名,
我見佢都幾厚身, 而且都係$98, 就買左一本玩下,
不過由我落單到今日收貨, 都差不多成個星期喇,
我以為2,3日就搞掂,

但係個女仔好好人喎, 佢知我有寫BLOG,
佢話只要我POST本簿出黎,
佢就俾個9折我,
只係收左我行我$90蚊,

我折左本簿睇, 原來個套可以換簿,
我係出面都有見過呢款簿, 買本簿都係$4x,
唔知佢地有冇得淨買呢本簿替換呢... ...

而後出去外訪就可以拎呢本新本, 有埋我個名, 幾型~

唔記得講, 呢本簿我係SAWADEE SODA 買,
佢地FACEBOOK 係 www.facebook.com/sawadee.soda

你地可以好似我咁, 同佢講你地都有寫BLOG, 可能都會有DISCOUNT~~~

** 寫BLOG 都幾好, 介紹下人, 自己又有DISCOUNT~~~**

want to know more:
www.facebook.com/siujslifeblog

 

Samsung NX Club寵物攝影樂

U Magazine X Samsung
主辦的
< Samsung NX Club寵物攝影樂 >



係上個星期六, 我參加左由U Magazine X Samsung一同舉辦的寵物攝影樂,

主要係教我地呢班狗狗主人點樣先可以影靚狗狗~

















當日活動地點係 DOGside Café (銅鑼灣駱克道462-468號鑽石大樓1462-464),
其實好易搵, 係銅鑼灣廣場後面就係喇,

我地準時2:00到達CAFE, 當日小J為仲特別著左套禮服出席, 係咪靚仔先?

其實當日都有好多狗仔, 加埋都有10隻, 隻隻都有特別打扮過, 影D相靚D嘛~




活動一開始, 由負責攝影師講解攝影狗狗嘅基本知識, 好似光圈, 影深, ISO, WB等,仲同大家一齊討論影狗狗嘅問題同心得~



離不開都係狗狗冇時停, 搞到D相鬆同模, 咁就唯有用快D嘅ISO 同SF, 或者SPORT MOOD.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講緊嘅都係Samsung NX 20有齊嘅FUNCTION, NX20仲可以WIFI SMART PHONE, 即時執相同有一系列特別效果設定等。

大會當日安排左我地每一組都有一部相機試用, 我個部竟然係最特別嘅粉紅色,
女生最愛~~~ 甜到爆~!

*****************************************************

講解完之後當然就係到我地影狗狗啦, 個個主人都好開心, 除左影自己狗狗外,


仲影埋其他狗仔,  我地都影左妹多相架.... ... 不過可能大會係過相期間搞錯少少野,佢DELETED左我D相... ... 我影個D都冇哂, 得返自己用IPHONE 影個D... ....

慘... ...

不過大會其實都好細心架喇, 當日除左有攝影師講解部機嘅操作, 仲有好細心嘅荼點供應,





我個杯凍咖啡仲好好飲, D野食都OK架! 我估之後我都會同朋友再去!!





成個活動都好開心, 唔洗錢, 有得玩, 仲有得食, 小J都勁開心, 又可以識女朋友仔TIM!

if want to want more, pls visit:
www.facebook.com/siujslifeblog

Thanks!!





















 




香港時裝節、香港國際時尚薈萃 FW2013

香港時裝節、香港國際時尚薈萃 FW2013




最近, 大家睇時裝雜誌時,可能都會睇到一個SHOW 叫
World boutique, HK. 其實係之前1月14至17日,香港貿易發展局主辦的「香港時裝節秋冬系列」及「香港國際時尚薈萃」,香港會議展覽中心同期舉行。




相信行內人士對有關活動都會相關了解, 行外人呢?
其實只要係從事相關活動, 係展覽舉行前預先於TDC網頁登記,
亦可有免費門票, 下一屆大家都可以先安排登記, 到時就可以順利入場。

「香港時裝節秋冬系列」- 呢一PART 其實展示最新款的品牌系列、
成衣產品及配件, 以至相關服務都會有。
好似吊牌, 紙袋, 衫TAG, 衣架等等, 而展覽其間,
都會有不唔同主題的時裝業研討會, 有興趣朋友可以預先登記。




而「香港國際時尚薈萃」相對宣傳會比較多,
大家都有可能聽過, 就係 World boutique, HK。




第11屆的「World boutique, HK」展示世界各地時裝, 係各國買家交流及搜羅新產品的好地方。
今屆時裝品牌包括左, Ashworth、bread n butter、Episode、Jessica、Language、Moiselle、
Ztampz及i.t.旗下的品牌。

除左各大名牌外, 其實今屆「World boutique, HK」亦加多左好多本地設計的新牌子,有各種風格的設計, 甚至有一部份為人手製作。





我係呢個ZOON都逗留得最耐~ 佢地嘅款式及製作絕不遜色於各大品牌。







今屆展覽首度增設 - 小批量採購區, 特設小訂量, 600件都不再成為問題, 成為高彈性迎合不同買家。

如果大家都想緊貼各地嘅時裝潮流, 大家都唔以錯過呢個盛事,

今屆就已經完結, 大家要留意我嘅資料, 下屆預先登記免費入場喇!


for more information of Twinkle C,
pls visit: www.twinklec.theztyle.com
www.facebook.com/siujslifeblog




網頁:
 Hong Kong in Fashion:www.hktdc.com/hkinfashion
「香港時裝節秋冬系列」:www.hktdc.com/hkfashionweekfw/chi
「香港國際時尚薈萃」:www.hktdc.com/worldboutiquehk/chi





















1.16.2013

<<WE ARE HANDMADE>> - TWINKLE C 講你知.

CHERRY PICK 一切源於一絛假領.((續續故事))
當時, 佢處於一個好差嘅情緒, 佢繼續平時嘅小手作,
但係今次, 佢想做一條時裝假領。
佢雖然係讀設計, 但唔係時裝設計,
所以佢對於呢條領無從入手... ...
相反, 媽媽從前係一個了得嘅車衣女工,
做樣車縫絕對係媽媽專長!

佢兩母女因為呢一條假領子, 一拍即合,
佢地一個設計, 一個將佢變成實物,
你地見到個張相, 就係佢地第1個製成品,
媽媽仲話, 易如反掌.... ...
完成左呢條領子, 佢兩個就商量決定以後都係一個設計, 一個生產,
順便將cherry 腦子入面嘅無限創意一一變成實物,
媽媽因為再次有寄托, 不但沒有胡思亂想,
而且變得積極, 甚至參與埋cherry 嘅設計部份,
人都漸漸開朗~
呢一刻嘅cherry,
從來冇考慮過到底呢d產品有冇人買,
佢想得到的, 已經得到,
係製造呢d產品嘅過程, 對於有一份正職嘅cherry,
有辛酸, 有疲累, 但佢眼見自己同媽媽關係愈來愈密切,
佢意志更加堅定,
不管所做出黎嘅野,
有冇人買... ... ...
<<待續>>

想知多D,
pls go
www.facebook.com/sujslifeblog

THANKS!!


info from
www.facebook.com/misscherrypick

Hong Kong Young Fashion Designers' Contest (YDC)


 

Hong Kong Young Fashion Designers' Contest (YDC)

 

尋日有幸得到VANESSA的邀請,
有得入場睇呢個 - 香港青年時裝設計家創作表演賽

 我先唔講佢係咩SHOW, 淨係講你知MCDJ余迪偉仲有嘉賓葛文輝~

 







呢個組合
, 應該都已經估到呢個SHOW係同『潮流 時尚- 設計』… …!















 





有幾型?



你睇清楚D眼INVITATION, 佢係用BUBBLE WRAP 製成, CATALOG 都係用BUBBLE紙做封面,個一刻我就知道呢個SHOW 應該會令我幾興奮。

 

我自己唔係讀設計, 不過係多諗頭, 古靈精怪嘅人, 對於呢D『新奇』野, 好期待~

初初以為本地製作, 可能舞台都會偏簡單, 但當入場後, 就知道我同香港製作, 有少少脫節… … 大家有冇睇過FASHION TV?

 

淨係門口嘅佈置, 已經令成個SHOW 嘅感覺加重, 主色黑同紅, 簡潔嘅長形燈框, 加上超大英文 WE LVOE FASHION
我都想講一句, WE LOVE FASHION!

未開SHOW, 我走左入去攝影區, 超多攝記, 但我估唔到外國傳媒都佔一半, 望一望後面, CONTROL台勁大, 同紅館個個差唔多, 最重要係, CREW都係靚仔靚女, 之後我上WEB SITE都見到好多人影佢地相… … … …堅型
!
 





SHOW開始個時, 佢用黑白相嘅MV STYLE 去介紹參賽嘅設計師, 成件事開始變得有D凝重, 播完之後就到重點CATWALK~

由於我坐第一行, 件衫我真係可以係MODEL身上睇得一清二楚, 就算我唔係行內人,

但係都會感受到每一件作品都必定花左好多心血… … D作品令我好深刻,
好想知道係邊位設計師嘅作品,然後對佢鼓掌… …

 




 

由於尋日下午我要開會, 我冇能力帶部單鏡出席, 只有IPHONE 5係身, 成個過程我都係用IPHONE 5黎影, 係有少少out fo, 但係一部iphone影到咁, 我已經好滿意!



 




catwalk



 
嘅過程我唔講喇, 你地睇相啦~
 
 
不過我好鍾意佢下半part, YDC 2012年得獎者負責嘅表演, 我唔知係由邊一個人負責安排設計演出, 但由全場一黑, 到係後台打大燈, 放煙放氣球, MODEL 並列而出,嘩,型到~ 真係型到爆炸!
 
 
 
 
 
 
 
 
到門開哂, 刊起音樂, MODEL勁有氣勢咁行出黎, 唔講都係呢D係上年冠軍級人馬作品… … 真係好似4D睇戲咁. D MODEL都有殺氣過人…. …

 






到左最後, 竟然係由呀葛帶住JDC輕氣球出黎頒獎,全場即刻HIGH~

好啦, 係時間簡單介紹一下咩野係JDC, 其實你睇完而家都估到D
~







「香港青年時裝設計家創作表演賽」(簡稱YDC)1977年開始舉辦,以培育及鼓勵本地設計新秀為使命,為業界發掘設計人材,並藉此提高香港作為亞洲時裝設計中心的地位,三十多年來已經成為同類型活動中最具代表性的一個。過去曾參賽的設計師,當中不少都成為了本地時裝及成衣界的首席設計師,也有一些獨當一面,成立了為人熟悉的自家品牌。

 

YDC於每年一月的香港時裝節及香港國際時尚薈萃期間進行,是本地時裝界一年一度的盛事。

 

其實而家YDC已經開始有好多海外媒介關注,
我眼見都有至少6-7MEDIA係外國團隊, 加上呢幾年, 香港設計師真係比以前大膽左,
開始可以衝破自己嘅框框, 比以前更加勇於表達自己嘅意念,
真係希望香港政府可以係呢方面做多D宣傳同關注, 可以開放更多公眾平台俾人交流~~
唔係淨係行內人士先可以參與啦~







 
YDC facebook:
 
 
部份資料來源: YDC

如果你想知多D,
可以去我個PAGE: www.facebook.com/siujslifeblog

THANKS!

THE 10 HOT BLOG POST: