12.02.2013

[飲飲食食] *無禮貌+好難食* •元朗•又新街B仔涼粉


[飲飲食食] *無禮貌+好難食*
•元朗•又新街B仔涼粉


當我遇上唔好食的食物,一般我只會自己唔再幫襯,因為可能係我自己覺得唔好食, 但今次遇上過份難食,我要跟大家分享。


這間•元朗•又新街B仔涼粉

好多年前曾經叱吒一時,無人不曉,直到今日,『出車』人士指定集估點,除左英雄亭,之後就係B仔。


但實情係,呢間店的員工極無禮貌,『唔休做』姿態。好,我算,計你禮貌唔禮貌,之但係我日光日白,叫左一碟豬皮羅白魚旦,同腸粉。結果係: D 豬皮魚旦成碟都好杰身,好似加左勁多生粉咁,唔熱都算,味道又冇,只係咸味同怪味,最重要係,連魚旦都可以又淋又粉,難食到極級! 我真係唔會再食,個口感真係令我有想嘔的感覺。

腸粉就冇咩野,係唔滑唔熱同好幼身咁囉... ....

唔怪得隔離鋪咁好生意! 我都後悔冇去隔離鋪... ...

其實所有野都一樣,就算你曾經幾紅幾㕵,不思進取--->不進則退。


以後,集合點都會係B仔涼粉,不過就唔會係呢度食... ....
 

THE 10 HOT BLOG POST: