今朝起身有一絲絲的陽光

天氣凍左, 相信大家都開始添置冬裝, 咁梳妝台上嘅護膚品呢, 唔知大家換左季未呢?

早兩日都仲係天陰陰, 加上寒風突襲, 都冇心機扮靚, 今朝起身, 見到有一絲絲的陽光, 感覺實良好, 決定食個tea後出去買聖誕禮物。

打開梳妝台, 拎起支Bobbi Brown Protective Face Lotion SPF15 我就覺得好彩有支SPF15嘅product係手, 呢d天氣, SPF15啱哂。

同大家講下書先, 其實紫外線係冬天都仍然厲害, 雖然冬天紫外線的強度不及夏天，但冬天大氣離子層對於紫外線的遮擋作用相對降低，反而令紫外線的穿透能力加強，紫外線照射到地面時依然有強勁“殺傷力”。

紫外線(UV)中UVA即使係陰天都能夠穿透玻璃窗，且穿透率高達85%,仲會損傷皮膚細胞的DNA，構成膠原蛋白和彈力蛋白及水分的流失因而產生細紋與肌膚鬆弛現象。而UVB就係會令黑色素細胞製造超多黑色素，最終黑色素殘留於肌膚進而形成退唔到嘅斑點。









好似今日嘅天氣, 你叫我另外揸支防曬呢, 我又唔會, 但係我就會用有SPF15嘅DAY CREAM, 唔太曬, 又唔洗戶外活動, 啱哂我D懶人。Bobbi Brown Protective Face Lotion SPF15好薄身同好水潤, 幾下已經推開左, 10秒到已經吸收哂, 而且Bobbi Brown 嘅product多數都會蘊含抗氧化的維他命E可以對抗有害的游離基, 即係抗氧化, 我用佢黎做base, 之後就掃佢嘅礦物粉, 底妝即刻貼貼服服, 加埋條眼線就出得門口喇.



其實防曬真係好重要嫁, 我聽美容院D姐姐講, 有D女仔連訓覺都會用SPF15…… 要抗衰老, 抗紋, 抗斑, 其實都要由防曬開始……

同老公買護膚品之困難

男仕護膚呢個concept 雖然未到好普及, 不過對比幾年前, 的確已經進步左。

幾年前我身邊個個, 都只會會買下洗面產品, 到左而家佢見到我係塊面到揸cream,

佢就會問下, 呢樣係咩野, 個樣係咩野,

之後佢就話要支day cream, 再之後又話要多支night cream.

 

最近天氣明顯凍左, 皮膚自然乾左, 佢問我, 會唔會有d潤d嘅野,

我諗我呢個老婆, 都要幫佢搵個另一隻更潤嘅cream。

 

同老公買護膚品, 我成日遇到同一問題,

我要按老公嘅喜惡, 去估計佢會喜愛嘅product。

但我估唔到有一次, 佢竟然因為某一隻香味而拒絕使用某一隻cream,

支野最後俾我用左揸身, 但以後幫佢買, 就會好小心咁選擇。

 

其實好簡單, 只要好次女士d product 咁,

俾多d sample, d女仔自然會拎俾另一半試啦, 試過啱用自然會買啦,

唔洗d男人成日心思思怕買錯俾另一半笑, 又浪費, 

個女仔又怕幫老公/男朋友買錯野喎。

 

男人邊有女仔咁細心, 逐隻慢慢研究完先買丫, 你叫佢買,

佢自己走去屈xx是旦買支黑色packing就算tim呀。

 

不過今朝睇facebook, Clinique 就好叻喇, 只要去佢個page到, get offer以下coupon, 選購任何一件產品, 就可以有男士試用裝15ml, 15ml可以認真試清楚, 唔係試得1次就冇個d.

等我陣間都去望望先.

 

 

星期六的小J

一醒左，小J就好興奮咁咬住隻公雞入黎，公雞好重身，平時好少會被點燈，小J竟然一早就寵幸佢，少見呀!

Kerastase Hair Spa By La Vie - Mira mall

Kerastase Hair Spa By La Vie

剛剛收到LANCOME嘅通訊, LANCOME VIP專亨KERASTASE 旗艦店禮遇, 只要係VIP 即可免費亨用轉專對頭髮及頭皮分析, 及獲贈KERASTASE試用裝一件。

原來係因為慶祝KÉRASTASE Hair Spa By La Vie於為尖沙嘴Mira Mall全新旗艦店隆重開幕, 所以作出推廣給LANCOME的VIP。

Mira Mall的旗艦店中, 設有獨立Hair Spa Lounge, 咁就唔洗怕再出見洗頭個時撞到人, 呢D咁尷尬嘅場面啦。

其實早係11月2日個時, KÉRASTASE HONG KONG 嘅FACEBOOK PAGE入面, 已經UPLOAD左一條LINK, 同樣提供以上優惠, 就算你唔係LANCOME VIP都唔洗怕, 快D去佢個PAGE, 係CHRISTMAS PARTY前整靚靚個頭啦!

http://www.facebook.com/kerastasehongkong

Gym or SPA，keep it moving moving

大概，每個人的思考模式都不⼀樣，做gym同做spa對我來說，除了為出一身汗外，大抵都算是一個比較冷靜時刻，隨著熱氣渾身，腦袋中的書枱打開了一隔空曠異域，無論是前瞻還是後看，都總會有特別收穫，附帶的，當然是良好的體魄。

女子，有機會總要動，莫理是身子，腦子，還是心子 ：）

Office支Hand cream 成日俾日人用哂?

Office支Hand cream 成日俾日人用哂?

天氣凍左, 我地呢d成日打字嘅, 對手係咪特別易乾呢, 又凍又乾, 週身唔自在?

不過索性買支hand cream 擺係枱面, 一乾就擦2下啦, 當俾對手休息幾十秒都好丫。

不過, 好多姊妹都應該遇過一個問題, 支hand cream 上個星期sogo thankful week 買嫁喎, 點解咁快冇左一半嘅, 隔離位個個隻hand cream味咁熟嘅, 你應該冇估錯, 佢未必有心"借"你支handcream, 不過"就手", 變左慣性, 一日揸4-5次, 幾個同事, 一支handcream一個朋都唔洗就byebye~

我同d姊妹傾, 我地都不約而同讚好Rosken Dry Skin Cream, 佢雖然唔係名牌子, 冇香味, 但係絕對係一支好cream, 我除左用佢做手cream, 仲有一支係床邊, 訓覺前, 一定會揸下對腳同成對手, 由膊頭開始都會揸。

佢唔會好似一d香味好重嘅大牌, 揸完一陣反而對手仲乾左, 反而佢好快吸收, 好潤身, 但又唔會有油份, 揸完就算真係即刻洗手都唔怕, 而家我老公都揸佢, 重點黎喇, 佢好平, 500ml一大支都唔洗$100, 去屈...都有得賣, 不過我會去藥房買, 太約$8x, 我枱面個支起碼用到2個月嫁。

以後就算隔離位個個, 或者隔離team個個想揸, 咪俾佢揸囉, 成支任你揸, 不防考慮送支俾佢做Christmas Gift!

~又近又免費時裝展覽~ fashion access 2013

~又近又免費嘅時裝展覽~

今日收到TDC 嘅 E-MAIL, 提我register 2013年3月份的Fashion Access, 我當然會馬上登記, 經常因為太忙, 而忘記登記, 最後又要用公司嘅pass入場, 咁就冇得同朋友一齊去”shopping”。



平時我們買時裝雜誌, 都只能夠睇到當季的潮流或者只睇到已經開售嘅產品, 但對於喜愛走係<”尖啄” >嘅姊妹, 既然有一個咁近而又免費的機會, 如果有時間, 實在應該抽空一去。

展覽會中, 未必會出現大牌子的產品或紅地毯名人, 但係細心觀察, 實在不難發現 2013 A/W 嘅潮流元素, 用料, 用色, 對於需要創作嘅朋友, 應該會有一定啟發。

以往是否曾經想找尋印度的異國元素, 但實在冇 ”膽量” 係internet上交手? 當日都可以試試溝通, 可能會有意外收穫。


記得上次, 我選擇左最後一天才去展覽, 竟然有意外收穫, 海外參展商寧願將參展樣品當場出售, 都不想寄回公司, 畢竟運費同包裝都所費不菲, 結果我買左幾條印度頸巾, 價格未必係最平, 但款式會較多, 起碼肯定係印度貨。買唔買到好野, 就要睇下姊妹嘅彩數喇.











「時尚匯集」- Fashion Access係一個國際性展覽會, 集合了亞洲時尚的手袋、鞋履、小型皮革製品、時尚配飾、行李箱包及生活潮流的產品，將於一連三日(9月27日至29日)於香港會議展覽中心舉行。






以下係2012年9月27-29日「時尚匯集」展覽會會刊:
http://www.fashionaccess.aplf.com/FAGuide/September2012/#/28/

另外, 以下係3月份展覽免費入場註冊link.:

Fashion Access
25 - 27 March 2013
Hong Kong Convention and Exhibition Centre, Wanchai, Hong Kong
https://ubm2.infosalons.biz/reg/fas13/registeren/register.aspx?code=FAS13-web

另附上TDC嘅相片參參考



the Ztyle: http://siujsblog.theztyle.com
the blogspot: http://suijslife.blogspot.com

腹肌 vs 氣質

其實腹肌吸引定氣質吸引d呢? 腹肌要不停鍛鍊，隨住年紀嘅增長，腹肌嘅得來越困難，但氣質則相反，隨住人生嘅閱歷，氣質會相隨而變化，當中的味道，非三言兩語可道。

Bandana=手帕

英文叫Bandana，源自印度語bandhna，意思是to tie(綁)。

一般所見, 是印上印度腰果花, 此種花色鮮豔的印度大手帕，是吉普賽的風格，亦代表民族感,
從來Bandana的應用好多, 不論日本, 歐美, 西班牙, 泰國, 甚至台灣都一直盛行
，最近流行復古，流蘇手袋及牛仔元素的朋友, Bandana, 又隨即被發掘。

 

 
我幫小J 選擇左湖水藍, 成個潮哂. ~

Early coffee for u

The early coffee is the one can't miss~

Siu J is trying to wake me up

Siu J Ba Ba is doing body check in hospital, Siu J replacing Ba Ba n trying to wake me. Finally he done, but still 30 mins late!!!

小J 3個幾月大個時

 

小J  3個幾月大個時,

 就係 1 隻腳板大 DD 咁,

當時 GIGI 都大佢1倍, 不經不覺, 又一年,

好快又到 CHRISTMAS PARTY 喇.

今年仲有 8呎聖誕樹 TIM, 好期待呀.

 

今時今日嘅小J, 牛龜咁大, 不

過都仲係咁古惑......

小J BB 相

小J 個半月大個時，真係好鬼可愛嫁，而家俾我剃哂d毛，變成咁醜樣~~~

Moroccanoil 摩洛哥優油 - 木調. 神秘也

了解我o既人都知其實我對頭髮好講究, 其實係因為我天生頭髮唔好, 唔順滑, 加上我鍾意電髮同染髮, 所以護少一陣都會有問題。

但係呢一年黎, 不停影婚紗相, 訂婚party, 註冊party又擺酒, 再加埋出席節日party嘅set頭, 已經變差嘅頭髮更加到達不可挽救嘅地步。
終於擺完酒過左1個月, 我可以去整頭髮喇, 但由於跳舞需要留一把長頭髮, 我始終唔忍心剪頭髮, 結果hair stylist介紹我用髮尾油 - Moroccanoil 摩洛哥優油。

髮尾油我完過好多, 功能都係差唔多, 但stylist試左1pump係我手, 佢話可以揸手!!! 我就試下, 好香, 係我最愛嘅印度木味, 杰身嘅, 揸手又真係好潤, 但1分鐘唔洗就吸收哂, 有餘香. 我對呢種香味係情有獨鍾, $4xx 我決定買黎試下。

原來呢支髮尾油好出名, 其實價錢亦唔算超貴, 去超市買支普遍髮尾油都1xx蚊, 但佢大支d而且真係杰身, 唔係水狀, 起碼佢令我把頭髮可以”維持生命”, 乾燥嘅情況有改善, 而且佢仲可以防熱, 同防UVAB，一支搞掂哂。

佢同一般髮尾油使用方法差唔多, 洗完頭, 半濕狀態, 用1-2PUMP揸係髮尾, 等幾分鐘就會吸收哂, 但唔好揸係頭皮同髮根, 之後先再吹頭。

你可能會問, 佢有咩咁特別, 我會答你:
1. 佢可以加係染髮過程中使用, 不過我地出去染髮嘅, 唔關我事.
2. 佢可以搽係身體上, 如果有特別乾嘅問題, 搽一次即潤, 當急救用.
3. 佢嘅香味, 好獨特, 我同姊妹講呢隻油, 佢地第1個反應都係, 好香個隻油.

摩洛哥油個種香木味, 真係令你好似去左摩洛哥咁, 我超鍾意呢隻味.。

女人, 有時就係咁, 可能只為左1種香味, 可以令你刻骨銘心! 

木調. 神秘也.

Bobbi Brown 礦物粉- 新寵

自問, 我都係一個極度懶惰嘅人, 由於我經常要05:30起身, 然後用10分鐘時間梳洗, 10分鐘化妝, 10分鐘換衫出門口, 化妝對於我黎講, 每一個STEP 都要快靚正!!!
由於我唔係一個專業化妝師, 化妝品的方便+效果對我黎講, 十分重要。

以前嘅年代, BB CREAM係屬於一個偉大發明, 但對於鍾意淡妝嘅我, BB CREAM 都係太厚身, 要我05:30 化到17:00, 實在頂唔順。 直至10月份, 我個修眉姐姐介紹左我買呢隻BOBBI BROWN MINERAL POWDER, 我真係覺得05:30-17:00都唔再係問題。

SALES 姐姐話礦物粉可以護膚, 保濕, 問心用左差唔多2個月, 我就唔覺可以護膚, 但事實係塊面唔會覺得辛苦 , 就算化左6個鐘, 用紙巾印一印D油, 就已經可以, 即使唔補粉, 對於喜愛淡妝嘅人, 仍然係冇問題。

但對我黎講, 最重要係佢好易用, 只係十幾秒就搞掂, 仲同時有遮瑕作用。

其實呢, 用佢都有方法嫁, 首先買佢返黎個時, 有塊透明膠紙, 千期唔好全塊扯走, 只係剪走1-2個孔, 再COVER返其他孔, 咁樣D粉就唔會跌哂出黎, 即使得6g都可以慢慢用, 唔會跌到周圍係。之後就係上粉喇, 咁就真係要配埋bobbi brown個專用礦物掃, 雖然個掃都要3百幾蚊, 但係佢跟左個皮袋仔, 諗起十幾秒上粉, 咩到值啦.

最重要, 就係上粉手勢, 其實好簡單, 將少少粉倒落去個蓋到, 用個掃係個蓋到係咁打轉, 約3-5秒, 然後按平時上粉嘅方向, 輕力係面上roll 粉, 一個方向, 好快就上完, 如果多細紋或雀斑嘅位置就輕輕上多一下, 就okay喇.

之後加條眼線, mascara, 少少胭脂就出得街, 最多就加埋eyes concealer, 精精神神咁見人, 冇失禮啦 :)

話就話over night唔落妝都唔怕, 但其實係我地呢d懶人, 落得唔夠仔細都唔洗怕, 唔同bb cream, 真係落少一round都擔心., 呢盒野, 真係我近期嘅最愛.

狗狗畢業袍

細妹今年畢業，四周揾都揾唔到狗狗著嘅畢業袍，結果佢竟然自己落手做一件，出黎又幾好睇喎，狗狗好鍾意，我細妹仲好開心添，獨一無二，等我諗下，下年幫人整狗狗畢業袍，做下生意先!

MSC HK SHOW car drift 飄移大賽

上個星期日，同老公去左Asia world expo 個MSC HK SHOW car drift 飄移大賽， 因為有pass關係，入左pit到坐，雖然我對車興趣不大，但老公就好興奮，我諗應該算幾好睇。

唯一我有印象嘅係有一個女車手，係日本人，好似好厲害咁，最後拎左亞軍，另外我最鍾意嘅車就係呢部，因為感覺好有活力，好勁咁，而且真係人手畫上去，感覺無咁娘~

Cutey Up 家用RF 機(瘦面機)

當全世界都話 RF機有幾勁O既時間,
.
半年前我已經係INTERNET 上面買左1部Cutey Up 家用RF 機,
.
當時因為就結婚, 所以就用左4千幾蚊, 買左一部試下。
.
.

話說半年前, 我仲係同屋企人一齊住, (個時未嫁嘛),

.
一部機, 同呀媽, 細妹一齊SHARE, 感覺每人只係千幾蚊, 出去做1次FACIAL都差唔多呢個價錢, 所以諗都唔諗就買左。
.










其實上網一 search Cutey Up 家用RF 機, 都幾多information彈出黎, 部機主要功能我大慨都講下啦, 主要係刺激膠原蛋白再生, 從而填平皺紋, 而且可以恢復彈性同光澤, 因收緊而達致小臉效果。 簡單d就係提升同瘦面, 講完。

.

使用方法係:
.

清洗面部後,於面上塗上gel,然後開始在面上按指示圖方向按摩,先是小範圍的打轉,然後是左右面的按摩,直至整個面部完成療程。
.



點解我要提出我係半年前買呢, 就係因為呢半年我同媽咪同細妹都keep住1星期做2-3次呢部機, 到我真係嫁左, 部機留係我娘家, 我細妹就決定買多一部送俾我, 我而家都可以係自己屋企同老公睇電視個時做。
.

每個人面形同皮膚都唔同, 我媽咪小臉效果最出, 因為佢最勤力, 做RF 前必做保濕, 呢樣係美容院姐姐教, 要效果好, 皮膚一定要夠水份, 而家媽媽跟足手勢, 冇亂做, 到我擺酒個日, 佢個V面令人以為佢瘦左好多~~
.

.
我細妹原本都係下巴尖尖, 但面有肉, 又夜訓, 嚴重水腫, 做完部機佢就覺得面冇咁浮腫, 始終廿歲女, 皮膚問題不大。
.

我呢, 我就覺得無咁浮腫咁毛孔收緊咗，之前輪廓都會明顯D, 如果俾心機跟指示咁推眼尾, 眼都LIFT UP 左,  如果我水腫個幾日, 我一定會乖咁跟手勢做, 做完FIRM 過去做FACIAL.

部機點操作就唔講喇, 你買左都會有人教你用, 但要提下:

做過RF o既都知道, 要配合RF CREAM一齊做, 先會有效, 而且唔係每一隻CREAM 都可以受熱使用, 我就係出面搵到呢一隻--- 2合1射頻膏
.

 我地都覺得幾好, 又唔貴, 其實每次用5豪子到份量已經夠, 太多會好油, 一樽起碼用2個月, 做用RF就先用紙巾印一印D油, 再用洗面奶洗面, 記得洗乾淨, 唔係會出粒粒. 呢支都係$238, 係佐敦買O既.

.




仲有一樣野要提下, 呢部機身體都做得,
.
可以FIRM BODY, 不過每個人每1日唔可以做多過30分鐘, 最好隔日先好做, KEEP到每星期做3次, 一個星期已經知佢係好野. ~~ GOOD

 
 
 
其實我仲有好多機, 等我慢慢再POST出黎俾大家睇下啦.

有示範短片:
.
.
.

**************************** Twinkle C information ****************************

       Twinkle C x Siu J - We sit on the Pole

     Blogspot   |   Yahoo! Blog   |   The ztyle     |   Beauty Life   |

     She. com   |   Beauty exchange

 

     Youtube Channel: Siu J Lee    |   Facebook: Siu J Lee |
     Seeagainla Channel: Twinkle C

 

     E-mail: leesiuj@gmail.com

    Thank you for visiting, Twinkle C x Siu J. Full Time Beauty Blogger.

 

 

Siu J ~ goodnight

搞左一大輪終於整好個Blog個basic,小J都訓左係梳化仔喇，講聲早抖先，goodnight mami!

"執筆"寫BLOG

~~我同老公個婚禮終於完結左~~ 其實因為婚禮, 已經忙左好耐, 我一直想"執筆"寫BLOG都冇時間, 而家終於的起心肝, 用我個仔小J名義, 重新開個BLOG, 講下我身我心, 每日所見所感.

最近最 HIT PROJECT 就係淘"寶", 我先發現原來身邊好多朋友都唔太熟識呢個寶, 所以我決定會將我淘到o既野 SHARE 出黎, 等大家都可以有個參考.


呢次 ORDER 應該會下星期到貨, 有好多冷衫同連身裙, 好期待, 遲D等我將之前淘到o既野都 post 返出黎先.

clinique 新mask, moisture surge overnight mask

之前行街, 見到clinique 出左隻新mask, moisture surge overnight mask, 見佢平平地, 2百幾蚊有100ml, 一於party前買黎試下!

Sales 姐姐話呢隻mask官方使用方法係, 訓覺前揸完精華素同一般night cream後, 薄薄地係面揸一層, 等10分鐘就可以訓覺。




不過由於我訓覺鍾意攬住d被, 所以我冇將佢o既用方, 改左。
我薄薄地係面揸左一層, 等10分鐘已經吸收左一半, 變左透明色, 再用手指輕輕力咁按1分鐘, 其實已經吸收哂, 由於我有時間, 就等多30分鐘先洗左佢, 洗完面之後皮膚係細緻左, 不過就唔覺得十分水潤, 但就係冇咁乾, 細紋少左, 感覺滑潔左。


呢隻mask其實急救皮膚都幾好, 佢好易吸收, 如果加埋用手按下, 10分鐘洗mask都已經有效果, 呢幾日天氣轉冷, FU多幾次, 下個星期個CHRISTMAST PARTY 應該會更上妝!!



the Ztyle: http://siujsblog.theztyle.com
the blogspot: http://suijslife.blogspot.com